डोटी। डोटीमा बस दुर्घटना हुँदा १६ जना घाइते भएका छन ।
बिहीबार धनगढीबाट छुटेको शैलेश्वरी यातायातको ना ५ ख ४४५१ नम्बरको यात्रुबाहक बस शुक्रबार बिहान करीब ४ बजे दिपायल सिलगढी नगरपालिका–४ स्थित रेडियो नेपालको प्रशारण केन्द्र नजिकै दुर्घटना भएको हो ।
दुर्घटनामा १६ जना घाइते भएको प्रदेश ट्राफिक प्रहरी कार्यालय अतरियाले जनाएको छ । उनीहरूमध्ये एक जनाको अवस्था गम्भीर छ ।
घाइते सबैको सुजङ अस्पतालमा उपचार भैरहेको प्रहरीले जनाएको छ ।
बस सडकबाट अन्दाजी एक सय मिटर तल खसेको छ । दुर्घटनाको कारण भने नखुलेको प्रहरीले जनाएको छ ।