काठमाडौं । नेपाली बजारमा आज (बुधबाार) सुनको मूल्य हालम्मकै उच्च विन्दुमा पुग्दै नयाँ रेकर्ड कायम गरेको छ ।
सुनको मूल्य आज तोलामा ८ सय रुपैयाँ बढ्दै १ लाख ५३ हजार रुपैयाँमा खरिदबिक्री भइरहेको नेपाल सुनचाँदी व्यवसायी महासंघले जनाएको छ ।
अघिल्लो दिन सुनको मूल्य प्रतितोला १ लाख ५२ हजार २ सय रुपैयाँमा खरिदबिक्री भएको थियो ।
यसअघि भदौ २ गते सुनको मूल्य हालसम्मकै उच्च मूल्य प्रतितोला १ लाख ५२ हजार ६ सय रुपैयाँमा कारोबार भएको थियो ।
महासंघका अनुसार आज चाँदीको मूल्य पनि अघिल्लो दिनको तुलनामा बढेको छ ।
चाँदीको मूल्य आज तोलामा १५ रुपैयाँ बढ्दै प्रतितोला १ हजार ८ सय ३५ रुपैयाँमा कारोबार भइरहेको छ ।